بيت الأسبوع كان بيت الأسبوع الماضي قد بعث به للصفحة الشاعر شجاع بن حمود بن رمال من الرياض، ويقول حول التوعية في الوقاية من فيروس كورونا: لاجل الوقايه من الفيروس كورونا بعد اتكالك على الله سو الاسبابي وكان صدى البيت من الشعراء: الامر امر الولي في خلقة و كونه اخذ احترازي ياشياب وياشابي لجل الوقاية من فايروس كورونه بعد اتكالك على الله سو الاسبابي سلم على بعد وغسل ايديك بصابونه وابعد عن المجمع اللي فيه ترتابي وارفع ايديك انت للي تسهر عيونه طبيب كل العلل لاضاع الاطبابي شجعان بن سعود العتيبي - الرياض أصاب كل الدول فيروس كورونا يالله تاقى الوطن واهله والأحبابي أهل الأمر والبصر والطب وصَّونا بوجه الكرونا نسكر كل الأبوابي والكل لمجابه الفيروس يدعونا وصدق الدعى والوقايه روس الاطبابي ومنع التجمع وللخيرات حثونا والكل واجب عليهم أخذ الأسبابي سعود عائش الحربي - جدة امر القيادة نطيع الكل ممنونا متكاتفين مع الاسرة والاصحابي نخضع ونمشي على الترتيب خلونا لين الله يقدر وتنفك الانشابي نطبق اللي به الاخيار وصونا والامر يفرج بالاخر يطلع ايجابي علي الرشيد - رياض الخبراء الحمد لله رجال الخير وافونا لأجل علاجه بفضل الله ماغابي وشفنا الدكاتر بعد الله هم عونا شفنا التكاتف ومبذول لها حسابي في كل لحظه باخبار يمدونا جهودهم طيبه في كل الاطبابي ريان محمد الخنيفر - أشيقر خلف القياده وخلك دايمن عونا وبقيادة الوالداللي قال الأطبابي خلك نظامي واحرص لاتقل لونا العمر ياصاحبي مايقبل اعطابي احرص تحرص قل للناس يدرونا فيروس قاتل ونبه كل الأصحابي منزالك البيت واقعد لاتقل جونا فتره قصيره وبشر كل الأحبابي حمد عبدالله الوايلي - حوطة سدير خف المرض نحمد الله وقت لاقونا بعلاجن موفرن للكل ينجابي وكل المراكز تسرك وقت مدونا بدكاتر مدها يضرب لها حسابي لاجيتهم بالوفاء دايم يحنونا وعسى الشفاء دايمن من رب الاربابي محمد عبدالعزيز الخنيفر - أشيقر واعين لاكن جزاهم خير وعونا الله يشفي مريضاً صار منصابي عز الله انهم لدرب الخير دلونا هذا سبب قلت لك من عرض الاسبابي امن التجمع على ماقيل فكونا هذا على ماذكر شين لنا ايجابي عقم يدينك مع المويه ابصابونا كم وحداً بمر ربى جاته وطابي سعد صنهات السهلي - الدرعية وعلى بحر آخر: ترى النصيحه واجبه واسمعونا اقولها من قلب ولاني كذابي لاجل الوقايه اجلسوا وافهمونا في بيتكم احسن لكم يااحبابي ترى التعاون مطلب ساعدونا من شان لاعدوى وافهم جوابي يالله دخيلك من بلاوى كرونا شدة تزول وينفتح كل بابي خليف بن فهيد الحربي - الرياض ذا الشهر لا زاير ولا زاورونا مافيه لمة لا صحيبن ولااصحابي ياهل المشافي بالخبر شاورونا وعلموا بعلوم طبن و الطبابي نحنُ ننفذ كل ما تامرونا والله يسهل للشفاء كل لسبابي والله ينجي شعبنا من كورونا ويسلم الله لي محبي ولحبابي محمد عبدالله الشهري - جبل أثرب بيت الأسبوع كتب بيت الأسبوع الشاعر شجعان بن سعود العتيبي من الرياض ويقول مشيداً بالجهود العظيمة التي تبذلها الدولة، وبالأخص العاملون في المجال الصحي والأمني والإعلامي التوعوي ويقول: أمن وانعام ن وطب ن به نفاخر مالقاها الا السعودي في بلاده نستقبل صدى هذا البيت بهذه المناسبة خلال أربعة أيام من نشر البيت على إيميل الصفحة: [email protected] ا
