ليا جا عقب العصر عدّيت بالمرقاب

أنا من ورا أبها بين ساحل وبين هْضاب
أسوق الركايب بين وديان وجْبالي
ليا جا عقب العصر عدّيت بالمرقاب
أغنّي على المسحوب وأجِر موّالي
قعدت أتِذَكّر يا سعد ربعنا الغياب
وأنا داريٍ ما مَر الأول وطى التالي
لو أحاوِل ما مضى وأدرك الأسباب
أنا شايفٍ القلب ما هوب متشالي
أضيّع دليل الرأي وأخطي طريق الباب
ولاعاد أفكّر في خروجي ومدخالي
وأسامر سواد الليل ونجومه السكّاب
وأسولف على نفسي وأنا في الخلا الخالي
هواجيس نفسي بالدقيقة تجيها أسراب
وأنا ما خَبَرت العين تبكي على الخالي
شعر: عبدالله بن شايق القحطاني « رحمه الله»