مقادير والعالم تشوفه

رثاء في الفقيدة المعلمة رفعة بنت سلطان الخنفري، التي توفيت في حادث سيارة على طريق الرين عند ذهابها إلى عملها:
مقادير والعالم تشوفه
على كلّ خلق الله قضاها
ونواف اخو رفعه تحوفه
على أخته هواجيس ً بناها
وبين الرجا والياس خوفه
مصدّق مكذّب في عزاها
خبر صار في جملة حروفه
حقيقه تزلزل من قراها
تأكد وفاة اللي عطوفه
باهلها كبيراً مستواها
جمرْ حزنه اللي وسْط جوفه
تولّع بها ناراً لضاها
على مثلها والله حسوفه
عسى قبرها خضراً كساها
رياض الجنان اللي تروفه
من أنهار وانعاماً غطاها
عزانا لشيخ في وصوفه
شهامه كرمْ طيب حواها
ابن عايض السلطان شوفه
يسرّ الخواطر في لقاها