مقادير

طفل انولد ببكاه يهتز جوفه
أول شعور احساس في داخلي غير
باقة غلا مع شوق قلبي وخوفه
هديتي لك وانت سيد الغنادير
قلبٍ بحبك نادراتٍ وصوفه
من التقينا ياحبيبي على خير
انت الوحيد اللي عيوني تشوفه
كل شي بالدنيا يجي فيه تغيير
والوقت جيشٍ لامعاتٍ سيوفه
إلا فؤادي مايجي منه تقصير
يبقى به اسمك شامخاتٍ حروفه
انت السما والشوق لمقابلك طير
يذوب في نسمة هواك بوقوفه
سري معك كالشمس ماتسكن البير
السر معلن والعواذل ضيوفه
راجعت تاريخ العرب والأساطير
واللي خضع له كبرياه وظروفه
لقيته الحب العمى دون تفسير
لو مت دونه ماتطقك حسوفه
منصور البطي