البرقع اللي زاهياته نقاريش

يا طير ياللي ما توقّع على ماش
ياللي يدينك فاتكات ومباطيش
عقب ابتسم فمّ السنا لك والاغباش
نزعت عن مخلبك وجاوب له الريش
حرّيتك جوف الفضا هاجسٍ طاش
أقرب من هجوس البحر للطواويش
تشهر جناحك لا بدى فيك مطراش
من يوم عِرْفك وأنت عشق المطاريش
كنّك تكحّل بالدجى رابط الجاش
والبرقع اللي زاهياته نقاريش
ما احدٍ يبيعك كلمة (ونِعم) ببلاش
ما دمت شاريها بدم المخاييش
يا حر، ما فرّقتها جبر وهشاش
لو هم يصيدونك بحبل العكاريش