جانا الربيع وجات معه التباشير والطير حلّق في السما بابتهاجه الأرض خضرا نضرةٍ بالنواوير والجو صافي ما يكدّر عجاجه زانت علوم البر نقل وتصاوير من فضل ربّي واسعاتٍ فجاجه سليمان عبدالعزيز السنيدي - الرياض الرزق مضمون على كل ابو حال من الولي للخلق علم وكادي الطير منعاق وفي جسمه اهزال يفتح فمه حتى يجيه المدادي ويقدر الله للفراشة وتنطال ويلتهمها قسمةٍ له وزادي علي الرشيد - رياض الخبراء سجدنا لْوَجهِ ربٍّ ما يخِيب ظنون عظيم الشّأنِ مِنْه الأمر والتدبير توكلنا عليهِ وْمِنْه نرجي الْعون بلطْفهْ يغفر الزَّلاتِ والتقصير جعل أرضه ذلولٍ للبشر يسعون أباح الأكل من رزقه بلا تبذير عليه أرزاق من له نفس في ذا الكون محد يأخذ سوى رزقه ولَوْ بِيْطِير وكلٍّ بالذي مكتوبِ له مرهون فلا يجزع على شيٍّ كِتِب للغير أيَا طيرٍ أسرنا منْه جرّ لْحون عسى في صيدِتِك تظفَر وتلقى الخير ناصر جمعان آل عوض - وادي الدواسر يا طير ياللي تقلّب باغيٍ قطره هاوي عليها وكبدك كنها ملّه كوده لقفها لعلّه قاضي وطره نقطة مطر راويه للطير وتبلّه ماهي قليله عليه وهذه فطره طيرٍ تعوّد على وقته وفي حلّه واقرب ارضه خطيرٍ فرته خطره يا طير رزقك على اللي كافله كلّه ربٍّ كريمٍ يبدل يبسهاب خضره الواحد اللي خلق خلقه على ملّه حمد عبدالله الوايلي - حوطة سدير منظر جميل ومن دواعي جماله فراشةٍ وزهور وطيرٍ بغانيه وكل شخصٍ رمعةٍ في مقاله وتنوّع الرمعات مطلب ونبغيه وكلٍ يجي صيده على قدّ حاله ويعطا وسايل في حياته تمشيه وبعض الطيور الخرب مااشبع عياله والبعض لامن صاد دوّرٍ يجزيه وضع الفراشه منتهي في مجاله ولا فيه غير الرّب وحده ينجيه ويالله في نوًّ صدوقٍ خياله يسقي ديار العزّ والمزن ترويه سعود عائش الحربي - جدة جانا المطر افرح الخلق والطير الكل يفرح جيته في نزوله وراعي الحلال اليوم يسعد بها الخير في فرحةٍ بالسيل حزّت وصوله وأهل الحلال اليوم تبدا المشاوير لأرضٍ يسر القلب كثرة سيوله محمد عبدالعزيز الخنيفر طعمك ياذا العصفور فراشٍ من الجو مهوب جوع يوم تمسك فراشه تلعب بجوً توّ ممطور للتو ريحة عطور مفتحينٍ غراشه فالأرض رزق مع سيول من النّو من كان مخلوقٍ بيلقى معاشه الرزق وافر بي قطرٍ تحلّو الطير يشبع من نوايع خشاشه سعود عبدالعزيز الهزاع - نعام العب وغرّد وأزعج الصوت يا طير ومكنون صدرك بالفرح طلّعه حيل بانت نوابيت الوسم باذر الخير والأرض بأمر الله بدت بأول السيل من فضل ربٍ يعلم السر والغير ويعلم مقادير البشر صبح والليل عبدالكريم النغيمشي - لوذة اليوسفي صوّر لنا صورة الطير والطير تحته عشب فالجو طاير عسى السحاب اللي إمزونه مزابير يسقي لنا دارٍ بلا عشب صاير المملكه يا الله عسى دايم ابخير دارٍ غلاها ساكنٍ فالضماير نواف نايف العتيبي - الجمش الرزق عند محزّم الغرس بالليف الواحد المعبود خلاق الارواح والطاير اللي عيشته بالتكاليف بين السماء والأرض فارد له جناح لا واهنيه عيشته ما بها زيف فراشةٍ تاكل من ازهار فواح رزقه على طول السنه برد او صيف ما شال هم العيش والقلب مرتاح خالد ناصر المخيمر - روضة سدير الصوره اللي جابها بكر هذال اقول أنا تابعتها فالجريده ومصور الصوره محمد ورجّال ما اقول شين فا الرجال الفريده والطير حلّق فالسماء عالي العال والعشب تحته والمناظر حميده مسعود عزيز العتيبي - الجمش يا فرحة العربان في جيّت السيل شوفوا الطيور الطايره في سعاده ويزين جو البر .. تحلى التعاليل ثم تبتدي الرحلات .. يبدا براده والكل منّا أفراح معها تهاليل يالله عسى افراحنا في زياده ريان محمد الخنيفر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق
