طفلٍ غشاه السيل بالحيل محتار وسط الشعيب ولا يعرف الخلاصي اصحا توهق في مزاليق الأخطار وإن جيت بالموتر تعثر وغاصي كم واحدٍ غامر وصابته الأقدار وأصبح ضحية ما مشى بالتواصي علي الرشيد - رياض الخبراء تكفون ياناس تكفون اوليدكم لاتخلونه السيل يجرف ولا تدرون يالله عسى تحفظونه امسك يده او بالهون درب الخطر لاتودونه عبد الكريم عبدالرحمن السلوم - القراين لا يا ولد لاتقرب السيل لاجار لاغرتك وقفه على شان صوره الماء غزير وجاري مابعد حار حذر اتنبه لاتجي في خطوره والعام هذا زايدٍ فيه الامطار من فضل ربي كل فجٍ تزوره والعشب نواره كسى وجه الازهار يا حلو نواره ومنظر زهوره حمد عبدالله الوايلي - حوطة سدير الخطر واضح ما يبي زود تعليق يالله عسى تالي المهمه سهالات يا طفل وش عندك على فكة الريق طالع تخوض السيل تصور سنابات أرجع للبيت خلك من عناد المطافيق من قبل ما تصبح من إعداد الأموات أرفق على حالك ترى الحظ توافيق واطلع من الوادي لا تزيد المعاناة خالد ناصر المخيمر - روضة سدير طفلٍ وحيدٍ ولا به احدٍ حواليه أهله على هالحال هم مهملينه هذا الخطا يا للأسف ترك غاليه ذي عادةٍ يا شينها تاركينه فلذات كبدك للأسف كيف ناسيه واللي على هالحال كلٍ يدينه فعلٍ ترى محدٍ اليوم راضيه والسيل ما يرحم يا جاهلينه محمد عبدالعزيز الخنيفر - أشيقر عقب الفرح لاتنقلب ضدك اتراح لا لا تهاون بالولد لوه هادي سيلٍ قويٍ هدّم عقوم واجتاح من جاء بدربه يعتبر في النفادي طفلك امانة لوه شاطر وسباح وضع المسابح غير غدران وادي عقب الندم ماينفعك هم وصياح كلام راع القاف لحضر وبوادي سعود عبدالعزيز الهزاع - نعام الكل يفرح لا سمع طاري السيل وافهم طريقك لا نويت بمشوار ولا من نويت السير يلزم تفاصيل أبعد عن الوديان ودروب الأخطار واحفظ عيالك لا تجيك البهاذيل واهمالكم ما هو بطيب يالأخيار هذي نصيحة وافهموا يا رجاجيل والسيل يا ربعي ترى اليوم غدار ريان محمد الخنيفر صورة العدد بعدسة معاذ العجيب
