وداعيّة

ليلي اللي قضيته هم واحزاني
وفيه عيني من البارح شقاويّه
تذرف الدمع الين احترقت اوجاني
وشفت مالا يشوفون الهواويّه
ضاق صدري وقلبي شب نيراني
وعزتي للمولّع من كثر غيّه
الجفا شين يامدعوج الاعياني
وماذكر فيه للعشاق ماويّه
زوّد الشوق بين اليوم والثاني
لين فضّح بلهفتنا علانيّه
وقمت أغنّي على نفسي بقيفاني
وآتمناك بالروحه .. وبالجيّه
مانسيتك ولا ظنيت تنساني
وكلنا بالموده نارنا حيّه
وكان ربي كتب واحياك واحياني
التقينا بعد ذيك الوداعيّه
Your browser does not support the video tag.