شريكة حياتي

ياشريكة حياتي..
يابداية نواتي ..
ياكياني وذاتي..
معك مولود تويّ
أول إخطاي يمك
ود. لأبوك وأمك
وصيت خالك وعمك ..
للمناسب دعاني
جيت كلي أماني
من زماني أعاني
يوم كلٍ نساني ..
معك بأشب ضويّ
وخطوةٍ بعد خطوه
بيت الاحلام نطوه
بين صحوه وغفوه..
نسج من غزل ثاني
جيتك أنسان ظامي
إن فهمتي مرامي
صرتي انتي غرامي ..
ونوري اللي يضويّ
بأختصار العبارة
ألمحي بالإشارة
لاتضيع المحاره ..
في بحور المعاني
سالفة أو قصيدة
تالفة أو جديدة
كل مهره عنيده ..
تدخل اسطبل جويّ
في يديني رسنها
سرها مع علنها
وين مارحت منها ..
داعي الشوق جاني
دائماً بالخواطر
شعرمدري مشاعر
شيء مرهف وجاير..
من ضلوعي يدويّ
صوت كانك سمعته
هات شيءٍ جمعته
وأهدفه لارمعته..
في عيون واذاني
نافع مفرح البشري
Your browser does not support the video tag.