سحابةٍ تمطر على كل نايف

يالب قلبي ياشموخ النوايف
مثل المزون لْيَا سرت في سماها
يسوقها برقٍ رعوده رجايف
بعيون بدوٍ خيّلوا وش مداها
سحابةٍ تمطر على كل نايف
يروى بها الضميان لو شَرب ماها
هذا وانا ماني من الغيث حايف
مخيّلٍ تبرق بعيدٍ نحاها
اللهُ أكبر يامزون المصايف
يشوق بارقها لو أبعد سناها
وإن كان جا بالقول بعض الوصايف
هذي شموخ الهاجس اللّي قراها
شعر: نايف الناجي
Your browser does not support the video tag.