يا دار ما مّريتك إلاّ وانا أغْليك

اختيار وتصوير - إبراهيم الجبر
يا دار وين أحبابي اللّي ربو فيك
وين القلوب اللّي ذبحني غلاها
راحوا وخَلّوني من الهَم أنا جيك
والقلب من فرقا الأحِبّه بكاها
يا دار ما مّريتك إلاّ وانا أغْليك
وْحِب ٍ لناسٍ كِنت أدوّر رضاها
كانوا بنفحات التراحيب تحْييك
والذّكر والتهليل يضوي مساها
يا دار كان الهيل يشدي مبانيك
واليوم جدرانك تهاوى حصاها
يا دار كان الكل بالجُود يطريك
واليوم بيبانك بِكَت من جفاها
لا تعذلين العين لوجات تبكيك
شَوف الأحِبّه كان دايم دواها
يا دار جيتك في هَلِ الدار أعزّيك
أحبابي اللّي طيّب الله ثراها
شعر - محمد بن حمدان المالكي
Your browser does not support the video tag.