دنيا العنا

ابشتكي دنيا العنا والبهاذيل
وابتشكي وقت حداني على الجال
وشلون ابهنالي بشربة فناجيل
ما دام بالدنيا كذوباً ودجال
بالشعر اسلي خاطري يارياجيل
ابدي شعوري كود تسكن بي الحال
والشعر من مبطي ذكر به تعاليل
يطفي لهيب اللي عليه الدهر مال
والشعر ماهو حكر لاحد من الجيل
ولا حد ملك بدع القوافي والامثال
قد قالها من غشته حنضل النيل
كل علي حسب اقتداره له اقوال
يالله ياللي سقت ذيك المخاييل
يالواحد المعبود حي ولا زال
ياربنا اللي ترسل المزن بالسيل
يالعالي اللي لك سجد كل رجال
يا مسخر بامرك لناشرد الخيل
سخرتها لجل العرب فوقها تشال
افرج على اللي مزن همه مقابيل
وبرغم ذلك وادي الدمع ماسال
يالله يامنزل كتابك بجبريل
اسألك عدل مايل الوضع واحوال
هي ما تضيق الا وترجع بتعديل
وانا قوي العزم للهم شيال
ولا منها ضاقت على العبد بالحيل
عند الولي للسالفه كل حلال
هاني بن محمد السلوم