دارٍ غلاها ما يبي زود تأكيد

صور شاعرية

اختيار وتصوير - إبراهيم الجبر
يابن صويلح كم طلعْنا تراديد
للديره اللّي ماجحدنا ثناها
دارٍ غلاها ما يبي زود تأكيد
محبةٍ تفرق على ما سواها
حبٍ مخلّد طول الأيام تخليد
لعل غال أرواحنا من فداها
ماكفّت الخيمة إلْيا أقصى مشاحيد
وْحمْر الجبال اللّي عذيٍ هواها
لعل تسقيها المزون الرواعيد
وتنعم بفضل الله عساها عساها
هي متعه الناظر وهي منبت الغيد
اللّي قدوع ضيوفها من نماها
يوم الحياة بْلا مشاكل وتعقيد
وناسةٍ بالضلع ما أحدٍ لقاها
شعر - سعد بن عبيدالله الحربي