يوم العيد

يا ليت شوقي من العيد للعيد
وأقول يا ريم المهاء عاد عيدك
يصير يوم العيد بالذات تحديد
أشوف زولك واتسمّع قصيدك
وش قلت عن حب القلوب المواديد
موجز خبر ما هو لزوم تعديدك
قال المشاعر صادرات ومواريد
وعنها لساني بالصراحة يفيدك
غلاك ما ينقص بقلبي ولا يزيد
معك قريب ومع بعيدك بعيدك
قلت إنتي اللي لك بقلبي مواريد
في ضامري ما يوجد إلا رصيدك
ريفي وبراق المزون الرواعيد
عيني تراعي لك وقلبي يريدك
أشتاق لك واتبع عليك التناهيد
وأحب فيك الحب واحب كيدك
قلبي خضع لك دون شرط ولا قيد
مدري وش اللي صارلي صرت بيدك
وياكثر ما أناديك باسمك تراديد
أقول وينك ما تراعي وديدك
قلت الظروف القاسية والتشاديد
تخون وعدي لك وتخلف وعيدك
لكن بزخات المطر تخضر البيد
يذوب جليد الظروف وجليدك
وأقول يا أحلى سكري ثمرت الغيد
من دون شرك أنا بحبك شهيدك
جلعود الشمري