الطيب مثل الشمس

بندر عصري القماصي
ياللي حمست البن عجّل وسوّه
ثم زلّها في مهدفات الجمادي
الهيل لاتاصل ليا حد نوّه
اما العويدي دقّته شي عادي
لادن نجري يالخوي لاتفوّه
الشعر جوّه يبيض الوجه هادي
ما قلتها الا من ميانه وخوّه
لاقفيت عنّك طالبك لاتنادي
لان الشعر ملفاه عندي منوّه
الشعر من كيفه يجي مايقادي
يا هاجسي زانت طواريك توّه
بنات فكري وجّهة للمبادي
الطيب مثل الشمس لابان ضوّه
اما الردى مثل العتم والسوادي
والفرق واضح من زمان المروّه
فرق الرمل عن عاليات الهوادي
الطيب مع طول الزمن مايشوّه
علمٍ اصيل ومحتزم بالركادي
والطيّب اللي ملتزم في علوّه
حبه رسوله بعد رب العبادي
اما الردى لو كان بالحيل قوّه
مثل الحطب آخر حياته رمادي
والخيّب اللي بين الاشبال بّوه
المرجله تلبس عليه الحدادي
وياللي تلوّي علم الاجواد لوّه
الكذب يفنى والبقا بالوكادي