بيت الأسبوع الماضي كتبه للصفحة الشاعر سميحان فهد السويدي من الرياض، حول ضرورة أخذ الحيطة والحذر عند الخروج لرحلات البر أثناء سقوط الأمطار ومايتبعها من جريان الأودية ومخاطرها ويقول البيت: يامهتوي وقت المطر طلعت البر حذرا من الوديان فيها خطوره وكان صدى البيت من الشعراء: نصيحة محب كفاك الله الشر شور عليك من جد تطيع شوره الخبرة درس إياك ياصاح تغتر من الحكمة تأخذ للزمن شرح صوره مع التدري سر مع ارض الخلا سر وابعد عن الوديان وايا الحفوره تسلم واذا جا امرشئ مقدر لا لا تسببله ترى الوقت كوره قبل لاياقع الفاس بالراس ياعمر وتندم على اللي فات ياصاح دوره صالح البشري - الرياض ترى التهور يوصل الشخص للشر والعاقل اللي يلتزم في أموره ما هي شطاره تعرض الفر والكر اسلك طريق آمنه ومخبورة ترى الحذر واجب ويا كثر ما مر حوادث شينة توثق بصورة ارجو لك التوفيق والله يستر عساك من يفرح ويبقى سرورة علي الرشيد - رياض الخبرا هذى نصيحه للبشر والبشر حر وكلن على ماقيل شوره ابزوره ابعد عن الشعيب لونه اخضر لا تنخدع لا يخدعنك ازهوره عن المسيل اقول ابعد تشطر يكفيك بعدالعصر لاخذت صوره سعد صنهات السهلي - الدرعية الجو في لحظه تراه يتغير خذ النصايح من رجال المشوره نصيحة من ضامري لاتحير ياما نفوسن روحت ومخبوره حذرا حياتك يا رفيقي تكدر انت تعرف العلم وتفهم اموره هذي رساله وانتبه لاتهور لا تكثر الطلعات ماهو ضروره محمد بن عبدالعزيز الخنيفر - أشيقر رفه حياتك دايم في مدبر واحذر مخاطر عنك ماهي ضروره البر متنفس على كل معبر وقت المطر تبقى وخذها مشوره كم واحد بالسيل حاله تغبر يمشي مع الوديان يلقى الوعوره راع السلامه بالسلامه تعبر وابعد عن المحذور تكفى شروره عبدالمحسن بن محمد المحيسن - رياض الخبراء كلن ليا جا الخير هلل وكبر وكلن حمد ربه وجزل شكوره يازين شوف السيل لا من تحدر وليا وقف يعجبك شوفة بحوره اطلع مع عيالك فلا شك واحذر جس المكان وطالعه ويش غوره ترا المطر خير وفير بلا شر للي يقدر في المكاشيت دوره حمد محمد الحنو - عودة سدير يا عاشقين البر طلعاته اتبر نفس ٍ عليله في البلاد محشوره لا صار ممطر كل وادي تَخبّر عن درب سيل ٍ قيل حذراء تزوره درب السلامه له علامه ومعبر جنب عُوِير السيل وغبة بحوره ترى المنايا نوب تصغر وتكبر وأخْذ الحذر مطلوب وهذي مشوره مشعل بن صنت العصيمي - الخرج السيل يجرف لاتكثرمن الفر لاتحسبن الجيب يقطع بحوره كم واحدغره زمانه وهوحر يوم الهقاوي طايره في بخوره وكم واحدذاق النكاده مع المر يصيح بأعلاالصوت فاقد شعوره ولاشفت سيله قام يدفن ويحفر خلك بعيدفي امان وسروره حمد عبدالله الوايلي - حوطة سدير يا ناوي الطلعات نرجوك تحذر احذر من الوديان خذها مشوره مانت بمعذور ولازم تفكر ياليت بعض الناس يلزم قصوره ومهما تقول اليوم ومهما تعذر لاكثرت الامطار فيها الخطوره ولا تقرب الوديان وانت مخير الفكر يالغالي لازم حضوره ريان محمد الخنيفر - اشيقر بيت الأسبوع كتبه الشاعر عبدالكريم ابن خزيّم من البكيرية حول الحذر من التحويل لأي أحد عبر حسابك الشخصي لما في ذلك من تهديد لأمن الوطن ويقول: احذر تحوّل للعماله لو ريال امن الوطن من امننا يالفطيني نستقبل صدى هذا البيت بأربعة أبيات حتى يوم الأربعاء القادم ويفضل الإرسال عبر الإيميل: [email protected]
