أنا أشوف هذا اللغز محكم وهو ملفوف وترى العنكبوت الحل واللغز ملياني

اللغز

كتبه للصفحة الشاعر علي مونس بن جدي من الرياض ويقول:
الا ويش بنت صار فيها مثل معروف
قديمه لها معروف في ماض الأزماني
ترى حروفها سته ولا ذكر منها خوف
وآخر ثلاث حروف توجد بميداني
وحلول الشعراء للغز:
رجع لغزنا المحبوب واللغز به مشغوف
الا دق وتر الفكر والبال له زاني
وانا اشوف هذا اللغز محكم وهو ملفوف
وترى العنكبوت الحل واللغز ملياني
احمد بن ناصر المحرج - الرياض
هلا مرحبا بك عد من حج والا يطوف
ترى العنكبوت الحل يا طير حوراني
وفي محكم التنزيل وارد وذا معروف
وترى اللغز مثل الصيد رميه ونيشاني
محمد أبو دحيم - البدائع
الف مرحبا بك لغزكم فيه زين وصوف
وياصلك حل اللغز عاجل بتبياني
وحله تراه العنكبوت الذي معروف
وان كان حلي صاب ما ابدل بثاني
طلال فهد الرشيد - الجبيل
هلا مرحبا بك دوك حلي ما اظن يطوف
خذ الحل في وقته اذا اللغز ملياني
نعم عنكبوت وبيته الواهن ومكشوف
مثل يعرفه ياعلي قاصيه والداني
فالح غازي الحربي - رياض الخبرا
لغز الاسبوع
كتبته للصفحة الشاعرة نورة بنت تركي المحارب وتقول في لغزها:
أنشدك عن ورع تغزل بعذرا
قدام خلق الله يقبل خدوده
ما يعرف من الاسلام فرض ونذرا
فعله صحيح وقايمن في حدوده
نستقبل الحلول على البريد الإلكتروني
rb-khozama@alriyadh.com
أو الفاكس 014871070