اللغز

كان كاتب اللغز الماضي الشاعر فهد بن عبدالرزاق بن رمال من جبة حيث يقول:
انشدك عن رجل على الطيب مجبول
له عند بعض الناس قدر وقيمه
اول وثاني حرف به لجة طبول
واخر ثلاث حروف آيه عظيمه
تموت باسبابه صناديد وزحول
واخته خلافه والعلاقه حميمه
وقد توصل للحل شعرا:
يا مرحبا باللغز واللغز مقبول
فنجال صبه يوم جتك العزيمه
فيما مضى يوم إنها تصول و تجول
ما يشربه كود رجل صتيمه
حبيب فريح الشامي-البدائع
يامرحبا بك يا فهد بأول القول
وإعداد ماقالوا هلا بالوليمه
الحل فنجال ولا هوب مجهول
في ماضي الأزمان يلقى زعيمه
علي رشيد الرشيد - رياض الخبراء
اهلًا وسهلا عد مايلفظ القول
عندي لكم قدر وحشمه وقيمه
فنجال حل اللغز عساه مقبول
وخلافه اخته كل ماجت عزيمه
طلال الرشيد - الجبيل
ابرمعه وحاول الحل وقول
هذا ترى الفنجال له كل قيمه
ذى رمعتى وانا من الوقت مشغول
قال المثل فنجال لاهل الحشيمه
سعد صنهات السهلي/ الدرعيه
يامرحبا واللغز عندي ومحلول
فنجال فارس للعقول السليمة
عند العرب معروف ماهوب مجهول
ومن يشرب الفنجال عنده عزيمة
محمد ابو حيم العريني - البدائع
يامرحبا تعداد قطرات هملول
واعداد ما تلقى بيوت الوسيمة
الحل بالمعنى نجيبه على طول
فنجال وأخته في جواره مقيمه
فالح غازي الحربي - رياض الخبراء
لغز الأسبوع
كتبه للصفحة الشاعر صلاح بن عبدالله اليابس من الدمام ويقول:
بنتٍ سمعها بالمخاليق رجال
جابت خبر علمٍ موكد ومسموع
رجالها مذكور في عرض الأمثال
متفردة بالحجم والشكل والنوع
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.