خباري نجد

خباري نجد ما غيرك خباري
ولو قالوا هبوب الريح ذاري
احبك حب يا نجد العذيه
احبك حيل لو ما جيب طاري
واحبك زود وإن طروك عندي
احبك مثل ما حبوا عذاري
لها عند أهل البحرين قيمه
قديماً يوم ماها العذب جاري
واحبك حب عود راح عمره
وجاه «وليد» ثم سماه «ضاري»
وصار العود من حوله وعنده
على كفوف السعه والحب ساري
يسير بدم من أقفت أضعونه
هزيل العظم وإلا الجسم عاري
واحبك حب فاق أم لولدها
رحوم وفي أصول العلم قاري
وفجأة غاب عنها واستخفت
تخيل صورته قبل.. المواري
تحرى جيته في كل ساعه
وعليه من الوله هلت عباري
واحبك حب ما يوصف بحال
على هالحال طولت المساري
احبك حب يا نجد العذيه
احبك حيل لو ما جيب.. طاري