جرح الأحباب

لياكل صبر انتهى في الهواء وانزاح
أنا في الهوى ياقو عزمي وياصبري
تظاهرت بالراحة وقلبي ماهو مرتاح
من الهجر والميعاد وسنينه الغبري
تجي في الزمن هذا جراح وتروح جراح
برا كل جرح وجرح الأحباب مايبري
ذبحني هوى المزيون ذبح بدون سلاح
تولعت في صغري وعانيت في كبري
اخبره حبيب ومخلص وصادق ونصاح
وتفاجيت يوم اجيه ماهو على خبري
وتناسيت لكن الغلا دايم فضاح
جبرني غلاه وحبني للوفا جبري
لياكل خل باع خله وعنه راح
مايقصر عن المحبوب باعي ولاشبري
عشقت السهر والهم والشعر والمسباح
وبانت مواري السهد في حالي المبري