صوت الصورة

من العاطفه ضلل على الوالد وليد
متحمّلٍ حر الهوى .. والرطوبه
في مركبٍ يستخدمه لابغى صيد
سطح البحر متمرسٍ في دروبه
كثّر طعم سنارتك.. وأحذف القيد
أرم الشبك تجي الهوامير صوبه
سعود عبدالعزيز الهزاع - نعام
الله يستر على الصيّاد
من غبّت البحر وإن ماجي
العيشه مدوّره وش عاد
وسط البحر بين الأمواجي
يعجبك بعض الولد لاجاد
الشاب يكبر .. ويحتاجي
عبدالكريم عبدالرحمن السلّوم - القرائن
رميت سنارتي يا حمود
وطلبت من ربّي التوفيق
وعلّمت إبني على المجهود
وبه عنصر الخوف والتشويق
ولا خفت موج البحر .. والنود
يزين صيد البحر .. ويليق
سعود عائش الحربي - جدة
شوفوا الاخلاص من طفلٍ صغير
ليت بعض الناس تفهم هالدروس
والله إن الفعل ذا فعلٍ كبير
جعل يومه يالربع ماهو عبوس
واهني من هو على نهجه يسير
صابرٍ يا ناس في عز الشموس
بقاربٍ ساير والموقف خطير
يحفظك رب العباد من النجوس
محمد عبدالعزيز الخنيفر - أشيقر
مد النظر وبصّر الصيد تبصير
ترى البحر صعبٍ طويلٍ مراسه
واللي بجنبك ما جرى منه تقصير
راعي حداق وماشيٍ في فراسه
لو إن عمره ما كمل توّه صغير
بس النمور نمور ماهي بساسه
ونبي على الصوره زيادات تعبير
وصفٍ جميل وما يبي له دراسه
حمد عبدالله الوايلي - حوطة سدير
وسط البحر يرمي بسنارة الصيد
يمكن يصيد الطعم كنعد .. وهامور
وجوّد مكان المكره اليوم تجويد
والسلك شدّه يمكن القطع مخطور
وغد الولد عش الولد وأنت يا عبيد
ومعاونك شغموم جنبك ومسرور
عبدالمحسن محمد المحيسن - رياض الخبراء
يا أبوي أنا ذراك في شمس القوايل
فالدّين يوصي فيك سمعٍ وطاعه
نطلبك يا رحمن في ثقل مكايل
نعود على من يحتري كل ساعه
وابعد علينا كل موج تمايل
ونسلم بهالقارب ما فينا استطاعه
جمال صالح الحنيني - القصيم
طفلٍ صغير ومدّته ما لها حد
عن الشمس غطى ابوه وفازعٍ له
يومه على الشاطئ من الحر منهد
صيده قليلٍ والسمك ما حصل له
عز الله أنك يا ولد تبرد الكبد
يفخر به اللي شاهد اليوم فعله
خالد ناصر المخيمر - روضة سدير
الطفل مع والده وسط البحر
شوفوا الطيبه عسى الله يحفظه
والله إني ما اقول الا صقر
والفعل رجال وفي فعله عظه
افهموا يا ناس من بعض العبر
موعظه مني ولاحدٍ يرفضه
بالبحر شوفوه في عز الظهر
بشور أبوه الشهم وهذي توقظه
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا..
صورة العدد السابق