النفس طابت

النفس طابت من هوى بعض الاحباب
احباب لكن ما تعرف المحبة
محبة ما هي على ساس واطناب
مثل الخيال اللي سريع مهبه
يقطعك يا حب مسبب لي أتعاب
تصرفاتك حيل ما هيب ذربه
مر تخليني اشرف بمرقاب
واصير كني عايش وسط كربه
ومر تغربني وانا بين الاصحاب
ومر اعيش بصحبة دون غربه
عجزت أميز بين هاوي ولعّاب
وعرفت مالي في الهوى أي لعبة
تعبت من حب صدوق وكذاب
وسمحت من شياً يجي فيه كذبه
وين المحبة يومها كانت عتاب
يسقى زمان العشق الاول ودربه
وبقولها والخاطر اليوم منصاب
ما عاد لي في الحب مقدار حبه