الحر يطلع والمحيقير يردا

ملتقى الشعراء

الشاعر صنيتان الديحاني أعجب بقول الشاعر رشيد الزلامي رحمه الله:
ياصاحبي درب العلا عسر بالحيل
ودونه مسافه جرهديه وجردا
وقدمك لعطران الشوارب مداهيل
قطاعة الفرجه على كل سردا
وإن كان ماتقدر دروب الرياجيل
عود وتلقى واحد منك وأردا
فجاراة صنيتان الديحاني بهذه الأبيات:
يابو جميل أبدعت في برد في ليل
دامك دفيت اعرف ترا الناس بردا
قولك صحيح ولا يجي فيه تبديل
يدخل قلوب الناس جمعاً وفردا
بعض الاوادم ما وراها محاصيل
قال المثل ما ينبت الشوك وردا
في جيلنا هذا وفي ماضي الجيل
الحر يطلع والمحيقير يردا
واللي رقا راس الجبل لازم يميل
يجيه يوم(ن) يطرده عنه طردا
ومن يشتكي لأردا منه ما عدل ميل
صردان يشكيله على ناس صردا