دارنا من طمع به نقصر شبوره

يا بلاد الحرم والدين منصوره
بإذن رب العباد الواحد البادي
دام بارضك بيوت الله معموره
رفرفي بالسما يا راية بلادي
عزك الله بدينه ثم أخو نوره
وحّدك بالشريعة والله الهادي
كم سهر فوق هجنه معتلي كوره
لين لم الشتات وزال الانكادي
جعل روحه بدار الخلد مسروره
ومن ملذاتها يستطعم الزادي
راح صقر الجزيرة وآخر صقوره
كل حراً على الهدات معتادي
واصلوا سيرها من ماضي عصوره
لين عدّوبها قمات الامجادي
يوم سلمان جاها وابتدا دوره
في ظروفٍ تشيّب روس الاولادي
قادها للمعالي حازمٍ شوره
ما يراعي وجيهٍ حقدها زادي
دارنا من طمع به نقصر شبوره
ومن صفقناه عنها راح ما عادي
عاشت المملكة في حكم أخو نوره
حاكمٍ قادها مع نهج الاجدادي
نايف بن هندي بن ناصر بن حميد