صوت الصورة

الله يهلك يا شهرنا بالافراح
ويديم عزك يا وطنا على خير
وصفحة خزامى عطرها اليوم فواح
بصورة طفل مبسوط وجالس على سرير
لا واهنيك يا طفل صرت مرتاح
توك على دنيا الشقا والمشاوير
خالد بن ناصر المخيمر - روضة سدير
ذاك العدد محتاج له صوت وردود
محتاج له معنى العدد والافاده
ضحكة طفل فيها الفرح ماله حدود
فيها اكتمل معنى الحلا والسعاده
صحيح الا قالوا ترى الحب معقود
معقود في عنقود بآخر ولاده
سعود بن سعد الحافي - الرياض
افزعولي يا جماعه وانقذوني
اهلي راحو وخلوني لحالي
شنطتي مع الملابس والنعولي
روحوا فيها عن الديره شمالي
اطلب الله يرجعون ويذكروني
اهل الفزعات وان جاله مجالي
عقلا خزن العنزي - تبوك
الطفل شكله نام حتى شبع نوم
ومن بعد نومه صار يبحث عن امه
لو صاح بعال الصوت ما يلحقه لوم
يبكي على صدراً حنوناً يضمه
وعزي لمن هو من رضا الام محروم
يا قال يا امه قالت الام يا امه
زبن مقبل العنزي - بريدة
يا زقينه ياجماعه يا زقينه
يا زقينه يا كريمين السبالي
بسمته نظرة عيونه حاجبينه
تكلم عن براته يا رجالي
اطلب اللي عز مكة والمدينه
يحفظه من هول ميلات الليالي
سلطان بن حمد الحبابي
- الطائف
يا ناس خوفوا من الله طفلكم مخطر
ما البرد لايدخله من عقب ترويشه
عدوكم لانطر في حالته يستر
فلذات الاكباد هي للعمر تحويشه
طفووا المكيف ولبسه لازم يحضر
هاتوا ثيابه ولبسه مع دناديشه
مبارك محمد طرجم الدوسري - وادي الدواسر
عسى الله يسعدك وتصير شيخ مثل جدانك
تشجيع ولاتعرف البنطلون وتعرف القصة
ولك سمعة نظيفة بين اخوانك وجيرانك
وفي علم الرجولة والمراجل ماخذت حصة
معيوض دخيل الله البيشي - الطائف
صوره رضيع ماتبي اي تعبير
فيها البراءه تكتنفها المحاذير
واجب على الابوين مع كل تقدير
عن الخطر يوخذ بكل التدابير
اطفالنا ندعي لهم زايد الخير
وبكره نراهم بالمدارس طوابير
سعود عائش الحربي - جده