يهزني طاريك في كل لحظات

ياحلم .. تكفيني ليا جيت بأوقات
أحتاج أعيش الحلم وأفرد يديني
ياحلم .. لي مدة أداعبك بسكات
وأسولفك مابين قلبي وعيني
ياحلم .. لي قلبٍ فقد له ملذات
ضاقت عليه وزاد فيه الأنيني
ياحلم ..في قلبي حروفٍ يتيمات
ترثي لها قلبٍ بيدها رهيني
أوادع الواقع وأعيشك حكايات
وأحضنك في صدر الغرام وحنيني
يهزني طاريك في كل لحظات
ورهنت للذكرى بقايا سنيني
العام تكتبني قصيد وروايات
واليوم شحّ الوصل بينك وبيني
ياحلم .. لا منك طويت المسافات
وصديت عن عين الحبيب ويميني
ياحلم .. ودعتك وأبي منك بالذات
سر المحبه فالمحاني دفيني
أيامنا تقفي وزين العمر فات
وأستودعك يمكن تحنّ وتجيني