مرحوم ياساس الوفاء طيب الصيت

آمنت باللي له سجدت وترجيت
امر القدر مكتوب مافيه حيله
مرحوم ياساس الوفاء طيّب الصيت
عبدالله ال سعود راع الجزيله
تشهد على افعالك سنيناً بها أفنيت
عمر خلق للجود ربه كفيله
تبذل لوجه الله ومن جوده اعطيت
ومن قدم الحسنات ترجح بكيله
نرجو لك الفردوس من والي البيت
عسى مقرك وسط جنه ظليله
انت الذي قدمت واحسنت وابليت
وانت الذي راع الفعول الجليله
وانت الذي فوق الطويلات عديت
بالجود والمعروف عن كل جيله
كم للمصاعب بامر مولاك حليت
شهما شجاعا كاسبا للجميله
ان جيت ابكتب في مزاياه ماحصيت
نسل الملوك اهل السيوف الصقيله
ياالله يااللي فوق خلقك تعليت
تجبر عزى كل العرب في رحيله