شوارد

1
المعاني والقوافي تنحني له
شاعرٍ يطرب له الذوق المصفّى
يحرث الأرض اليباب واتستوي له
وان بدع له بدعةٍ كفّى ووفّى
من وضوح الشمس يرسم مستطيله
وفي ظلام الليل صوته ماتخفّى
يعشق أنواع الجَمَال .. ويهتدي له
كنّ في راسه مئة جنّي تدّفّى
2
تقول الصّباحات الجميلة: صباح الخير
من اول تبسّام السعادة.. لبكراها
تثيرك ظنون القادم الأجمل مْن الغير
على مهرة الأحلام والشوق يحداها
وتحلف عليك النافذة والشجر والطير
انّك غير تستسلم ليأسك وتنساها
ويخرب مزاجك لين يضمر من التفكير
وتصبر على نار الفراق وتلضّاها
3
الغياب اللي بلا رجعه مسجّل ب اسمك
في قصص كل الغرام الماركة معروفة
كنّ « بيكاسو « رَسَمْك ولا تكامل رسمك
في فوادي جزء من تكعيبتك محذوفة
ما مداي استلهمك حتى تمادى جسمك
للذهاب مع السراب حكايةٍ مظروفة
واثق انّك ماخذه مما دهاني قسمك
ما مع الشاعر كبير الياس غير حروفه
4
النوم بعد السهر ماهو على كل حال
يصير نومٍ يعوّض في بقايا السهر
حتى ان الاحلام ما تاتي على ما يقال:
ورديّة .. ! احلامي انا من كدر في كدر
واللي ليا من بغى نومه زهم له تعال:
ما له عذر في غياب الصبح ما له عذر
البارحة بحر جدة من جنوب وشمال
ناديت له : ليه شيمتك العطاء، والغدر