تغريدات

لا تجلد بذاتك.. ولا تقطع السوط
خلك مابين وبين في كل الاحيان
ودك تكون (إنسان) راضي ومبسوط
حاول تكون بقد ما تقدر (إنسان)
ياسر التويجري
وشلون قلبٍ قد عطاك المواثيق
وإلا أنت حبك مايبيله وثايق
ترقد بقلبي صبح ما أدري متى يفيق
وانا ما اغير افتح ضلوعي: ووايق!!
بدر الظاهري
أعشقه واسهر على حبه ومرضاته
واتعبت حتى المجامل من مجاملته
إذا اعتبرني محطة من محطاته
أنا اعتبرته .. أنا من يوم قابلته
تركي المشيقح
اللي بقا في ذمة الحبر الأزرق
أقسى من الفرقا بعين الهواوي
وألطف من إحساس الرضا كلما أورق
غصن السهر بين العتب والرجاوي
محمد الأسمري