خلوها

من محاورات القلطة الجميلة ندعوكم لمشاركتنا قرارة هذه المحاورة التي كانت قد جرت بين الشاعرين العملاقين سعد بن جدلان وشليويح بن شلاح المطيري.
سعد:
شليويح المطيري كان يزها البشت والدشاش
ولكن طاح في لبس الفرنجي والكرفته
واحسبه واحد ينصى العرب وليا انتصر ينحاش
وعينته ثلاث الآف لا واحد ولا سته
شليويح:
شليوح المطيري راس ذيب ما وراه اعراش
ليا شاف الحرامي حتحته ما يقعد الحته
حليلك يالعميل اللي تفرشها بغير افراش
بعد ربي جمعنا خبزنا بالميدمه فته
سعد:
احد يرميك بالمدفع واحد يرميك بالرشاش
لكن السالفة يمكن يجيب الكحل ويكته
تدور للحيامير الحيا فالشوك ما يناش
قضى وقتك مربع مار لازادك ولا زدته
شليويح:
الا يا الله تجنب عن سنعنا عملة الغشاش
ليا ميزتها وليا انها مقطوعة البته
لقيت الأكلبي في جيبه السكين والمنقاش
قصير مير اثره اليا وقف بالملعبه فته
سعد:
يقولون العرب مثلك يحوشون الذهب ونحاش
خذاك الطيش والعالم تلف الحبل وتبته
تواعدنا على نبت الحيا لكن ما شفناش
ولا شفنا الشجر ما به ورق بالعون ماهته
شليويح:
انا بنشدك لو العود عندك صابه الهشهاش
ابوك اللي غذاك اليا قصر بذراع تمته
سوالف ما تصدقها ولا تطري على الحشاش
اظنه لو يموت تقلقله وتسوي الفته
سعد:
ليا مني ذبحت العود يا شاعر مطير اعتاش
وابعطيك الشويه منه في خرجه ومزودته