النصر والا الشهادة

- الاهداء : الى روح شهيد الوطن /هليل بن مطلق المطيري السنين بحزنها والا سعدها الله اللي عالمٍ كم هو عددها السنه لامرّت بعمر البنادم قام يسحب فالسنين اللي بعدها غير رجلا ماحسب باقي سنينه باعها في سجدة لله سجدها يوم داره نادته لبى نداها قال : حنا عزوة الدار وسندها ماتوانى يوم جت حزة وقوفه ولانسى خير البلاد ولا جحدها سلم , وودع , ونادى : ياعيالي السعوديه تمد اليوم يدها والسعوديه انا وانتم فداها تبشر ان نادت على الموت بسعدها كان ربي كاتبٍ لي عمر ابرجع وكان مت الروح عند اللي وجدها كبر وهلل ووكلها على الله واستوت ضلعان جيزان وصعدها طلقة دونه , وطلقه من يمينه وياخذ اللي يطلق الطلقه سددها لين جاته طلقة ماهي لغيره واحتضنها دون داره مانشدها قال : يارب النصر والا الشهاده واعد وجات الشهاده في وعدها ماتخون الارض دمك يا ( هليل ) ولاتموت ارواحٍ اوفت في عهدها ولاتضام الدار يالشعب السعودي دام من يشبه ( هليل) هو ولدها