يا ابن سلمان.. محمد

يا سليل الفراسة
فارس الفكر فكرك صاغ رؤيا وجودة
جابك الله ولاحت طلتك بالسياسة
والعطا منه سابق والعطا منه جودة
يا محمد سلم وإسلام ساسه
فيك من كل خصلة والفتى من جدوده
بأن فكرك وصور ويش معنى كياسة
رؤيا ومنطق على بعد التخيل حدوده
الشعر يحتاج في حضرة مديحك دراسة
فكرة تصور سطوع النجم لحظة صعوده
يامعالي سموك ياسمو الرياسة
شبل سلمان راعي العزم عزمه جنوده
ياسموك وش اكتب والشعر شاش راسه
وأنت صيتك سبق شعري وهلت حشوده
وأنت من نبت شامخ طيب الله غراسه
طاب وأنبت خصاله والفراسة شهوده
سدد الله فكرك دامه الدين أساسه
دام نهجه على نهج الشريعة بنوده
يا ابن سلمان حلمك ما تحده حراسة
شوف غيمه تسابق شوف طلة رعوده
حار فيه المحاور حار يصعب قياسه
فكرك اللي تسامى وأقبلت به وفوده
اختارك الشعر تاجه وللشعر ناسه
جاك عاني وفاحت في حضورك وروده
يا ابن سلمان شعري شاش واقفى نعاسه
يوم قالوا سموك فز ناثر عقوده