جرح السنين

‏لازلت أقول إن الزمن قاسي ولا يمكن يلين
‏من كثر ما قابلت ف الدنيا عواصف وأغبرة
‏أحيان أقول الله يسويها وزينها تزين
‏وأحيان أقول مطارد الأيام ما فيه أثمره
‏مرَّت سنة والهم يحذفني على جرح السنين
‏مرَّت سنة وأقول بأن العفو عند المقدرة
‏عفيت حتَّى عفت تاريخي وبيحت الكنين
‏وسهرت وحداني ب ليل ما تعوَّدت أسهره
‏من وين أحصل درب يخرجني عن الجو الحزين
‏وأنا لو أنصى شخص ف أدنى شي قالالمعذرة
‏البارحة غنَّت لي الدنيا على لحن الحنين
‏وجذبني الصوتالبعيد وراح ما جبت أخبره
‏غنَّى بصوت يطرب الشعَّار والمتذوقين
‏واصبحتما بيني وبين الدمع يا غير أشعره
‏وطرالي الحب القديم وضحكة المتسامرين
‏وذكرني الوقت الجميل اللي ماحبيت أذكره
‏والليله إللي نورها ساطع عكس نور الجبين
‏وصور ملامحها وبعثرني عليها بعثرة
‏راحت وأنا لازلت بين العالم المتظاهرين
‏اللي لو إنك تزهم أطرفهم يوريك أظهره
‏وتلاشت أحلامي وأنا أنظر للجبال بنص عين
‏ما هو غرور إلاَّ ثقة واثق وطيب ومفخرة
‏وأنا مانيب اللي يقول إنه كسب دنيا ودين
‏أنا أطلب الله وأترجى منه عفو ومغفرة
‏ماني بنادم ف الحياة العاقبة للمتقين
‏وإللي تكابرته بسيط وعند ربي م أصغره
‏وشلون أبطمع ف الحياة ووضعها معروف زين
‏إللي بدايتها مشقة وآخرتها مقبرة