المقناص

وسهيل يلمع له ثلاثين ليله
والطير يجرد للمقانيص تكرار
راعيه حسّب كل يوم لشيله
راع الولع فرحان بالوقت مندار
على الهدد نشطان بالحيل حيله
عند الحباري والكراوين له ثار
يبي يقصه بالقرانيس ويله
ناصر بهّرلي من البن مبهار
برية شقراء وقايس بهيله
تطفي لهيب داخل القلب نجار
ريحت عرقها كل هم تزيله
ومن الورق خدر على حافت النار
يطرد عماس خاوي الرأي كيله
يا لله يا للي ترزق الدار بامطار
بالخير ترزقنا من الوسم سيله
ديما وبرقه يجذب الطير لا طار
والعشب ينبت بالزراج ونجيله
وتربع العربان في كل الأقطار
عقب الدهر والصيف يبرد غليله
في كل فيضه نقطف الورد نوار
وراع الأباعر هيجن اليوم شيله
نسري لخد ما وطى فيه دوار
قفر مداويس الحباري جميلة
يا الله تقبل دعوتي وقت الأسحار
وتلبي المطلوب بأمرك هليله
وختامها صلوا على ختم الأخيار
نبينا المحجوب عن كل ميله
خالد بن سليمان الجريش
الرياض