طبع الحبايب

تموت حبٍ تحسبه للعرب عيب
وعيب البني لوتملك الحل يدها
ماحلته لو عارضك يمتلي شيب
ماشافن النحله تسوي شهدها
للي سقيم الحال من شانه يطيب
والعين تعمى من سبايب رمدها
ودون المحار يصير عوق وشواذيب
والنفس تكسب خيرها من جهدها
والحب ما يوخذ بضرب المشاعيب
وأيضا بسراب اللال,, آمر وأدهى
ولا تصقل العراف كود التجاريب
وأنا رمتني واحده ما بعدها
ماسيرت بين البنات الرعابيب
رعبوبةٍ شريان قلبي بلدها
مسكانها بين الضلوع المحاديب
شهادةٍ لله كلٍ شهدها
بنات نجد موثقات المضاريب
كم عاشقٍ روحه بداخل لحدها
تشكي نهاية حبها لعالم الغيب
إن مت كلٍ عن مماتي نشدها
مقتول حب وباقيٍ لي مطاليب
محمد نايف العتيبي
الرياض