مجاراة

هذه الأبيات مجاراة لأبيات الشاعرة نوف بن شطيط العتيبي المنشورة في جريدة الجزيرة بعددها رقم 11838 الصادرة يوم الجمعة الموافق 16 محرم 1426ه التي بعنوان (الطيب ضايع):
يا نوف كلٍ يعرف الطيب والعيب
وكلٍ يبيع ويشتري من خراجه
لا كن فيه قلوب مثل الدباديب
تحب درب المهزله والعواجه
أعلومها وسط المجالس رباريب
منها شعاع النور يظلم سراجه
ما همها يا كود صنع الأكاذيب
والنمنمه والحوص عند المواجه
يشب واحدهم على العيب ويشيب
علم الردى والأثم هذا نتاجه
يالله عساهم تحت ضرب المشاعيب
في ما قمنٍ يضيق عنق الزجاجه
والا عسى يا بنت ما يعرف الصيب
يعيش حتى أيموت يتبع نعاجه
ويا جعلهم يفدون راع المواجيب
اللي على الطالات يضحك حجاجه
اللي يكثر للنشاما التراحيب
ولا شال هم أهل الردى واللجاجه