ورقة قديمة

وهيّضت في راس الحجا ما طرالي
تسابقن دموع عيني غزيرات
وصفقت بالكف اليمين الشمالي
وجريت من خاف المعاليق ونّات
والقلب من بين الصناديق جالي
أخوي ياللي يم قارة (خفا) مات
من عاد من عقبة بيستر خمالي
ليته كفاني سُوّ بقعا ولا مات
وأنا كفيته سو قبر هيالي
وليته مع الحييّن راعى الجمالات
وأنا فداً له من غبون الليالي
أخوي ياللي يوم الاخوان فلّات
من خلقته ما قال: ذاك وذالي
تبكيه هجنٍ تالي الليل عجلات
ترقب وعدها يوم غاب الهلالي
وتبكي على شوفة بني عفيفات
من عقب فقده حرمن الدّلالي
عوق العديم ان جاء نهار المثارات
والخيل من حسه يجيهن جفالي
شالح بن هدلان