سلمان محيي الشرع وحقوق الإنسان

للوطن

اللي لنا صقر الجزيرة نشرها
وفهد وعبدالله ونايف وسلطان
شجرة وفاء للخلد يامن بذرها
واخوانهم الابطال ذربين الايمان
اللي لنا بالعدل ربي امرها
شجرة نقا شجرة وفاء شجرة احسان
الشعب كله ذاق حالي ثمرها
من يوم وحدها معزي إلى الآن
وعين المواطن ما شكت من سهرها
نرقد بظل ملوكنا بامن وأمان
وهم يقصون الجريمة بأثرها
في ظل أبو فيصل جملنا بليهان
اكسور الأمة ليلمسها جبرها
في كل قطر وكل شبر من الأوطان
المملكة تفخر وفعله شهرها
وكفة تغرس الخير في كل بستان
وتقطف من غصون السياسة زهرها
ولي عهده كأنها السيف شامان
اللي يدين الشر حدة بترها
نصر الضعافا من شباب وشيبان
نفس الضعيف اليا شكت ما كسرها
وسلطان أبو خالد له المجد عنوان
مغني الكفوف الشاكية من عسرها
قاد الدفاع وفاز في كل ميدان
بالحق ونفوس العداوة قهرها
ونايف وزير الداخلية اليا بان
كالبدر نوره ليل خامس عشرها
له كلمة يرجح بها كل ميزان
وله نظرة ما غيره أحداً نظرها
نفخر بقادتنا على مر الأزمان
اللي لنا صقر الجزيرة ذخرها
عبدالعزيز اللي كحل شهب الأعيان
وأقام العدالة والضلايم قبرها
عساه في الجنة مع حور الأعيان
ومع الصحابة عند صفوة بشرها
والمسلمين اخوان في الحق واعوان
ومد القصيدة فائق من بحرها
ياسيدي سلمان يا طير حوران
يا نادراً كل النوادر صقرها
القاف فيك يزيد والمدح بيك زان
أبحور شعري لك تقدم دررها
والهرج له زبدة وملحة ونيشان
وشاشة خيالي لك تجلى صورها
ان صعبت القاله على فلان وفلان
تاقف لها وتسد ثغبة نحرها
ومن قام دعوى الظلم زور وبهتان
سيف العدالة من يمينك قصرها
يامير نجد اللي لنا درع وسنان
لي طار من جلد الركايب وبرها
لقال من شاف القهر عند زومان
بالله أعوذ من الرجال وقهرها
يا يقف معه ويناصر الحق سلمان
وجه الضليمه بالمخمس سطرها
سلمان محيي الشرع وحقوق الانسان
اللي لنا صقر الجزيرة نشرها
عبدالعزيز محمد الدخيل