سميت بسم الله وأبديت الألحان وبذلت مجهودي بيض الصحايف لأهل الكرم والمجد والقدر والشأن كلمة وفاء وإخلاص ما فيه زايف أشاهد التلفاز وافرح بك الآن تناثرن عبرات عيني ردايف عبرة فرح ما هي على فراق واحزان عبراتها من خاطري بالشفايف في عهد أبومتعب ترى وضعنا زان حاكم حكيم وافي بالكلايف واحترت أنا بالمدح من بين الأخوان الكل منهم كامل بالوصايف إن قلت أبو متعب تذكرت سلطان وإن قلت يا سلطان يأتيك نايف عبدالله اللي فيه رمز الوفاء بان خلاَّ العدات اليوم تمشي ولايف سلطان سلطان السعد طير حوران إن طوحن بيض العذارا العطايف ونايف سندنا وذخرنا بكل الأحيان تسكت جميع الناس لا قيل نايف وسلمان حاكم نجد من بين الأوطان ضد السباع المخطرات الهوايف زحول الرجال ومن سلايل كحيلان ريف الضعافا بالسنين العجايف بالطيب والحكمة أبوهم بليهان صقر الجزيرة لا هبا كل خايف عبدالعزيز اليا غشى الجو دخان يروي حدود مصقلاتٍ رهايف وحّد شعوب الخلق في كل ميدان فوق الركايب موميات السفايف وحكم بشرع الله بآيات قرآن الله وأكبر فوق روس المنايف وتحت المسيرة فيه حضر وبدوان وزال الجهالة والأمور العنايف والشكر لله ثم للحق عرفان ولإخوان نورة موحدين الصفايف أهل الرخاء والطيب طلقين الأيمان شالوا ثقال واعلنوها خفايف ومن الحديثة لين تاصل لنجران كلن على كيفه مثل منت شايف وان رجعت للطيب مع مد الاحسان تكفي عطاياهم بليا وظايف وصلاة ربي عد ما كائن كان واعداد ما هب الهواء في المصايف على النبي الهاشمي نسل عدنان اشرف بشر من بين كل الطوايف
