ظروف الحياة

يا ليّن العود فال الله ولا فالك
لا عاد تطري فراقك كان تغليني
ما تدري إن المشاعر تطلب وصالك؟
وتضيق لو غبت لك ساعات عن عيني
وشلون أجل لو تغيب وتطوي حبالك
ما فيه شي عقب صدّك يسلّيني
اقعد لحالي بعيد وتقعد لحالك؟
ما عاد اقيك وانته ما تلاقيني
ولاقلت لك لا تروح امكني وصالك
تقول: غصبٍ عليّ وويش بيديني
واللي جرى للملا لا بد يجرا لك
لا بارك الله في سلم المحبيني
لك حب بالقلب لو يطري على بالك
تنسى ظروف الحياه ولا تخليني
قصايدي فيك لا قل كل ابوها لك
من يومني كنت طفل بعاشر سنيني
ما كان يخطر على الخفّاق ترحالك
ولا كنت اظن بيجي يومٍ تجافيني
واليوم طالبك لو ان الجفا فالك
ما بيك تطري بعادك كان تغليني