أساير العصر

االبارحه بين السهر والهواجيس
نفسي غريبه وانشد البال عنها
انشد وادور واتمروا الاحاسيس
لعلني القا ولو شي منها
حاولت اغيرها بكل المقاييس
وتشكي علي من جور وقتٍ غبنها
لو انني ما ارخصتها للمفاليس
وازرت تطاوعني وتعرف زمنها
نصحتها بالصبر وبعد المراميس
وتصفح عن اللي بالزمان امتحنها
اتلّها واساير العصر واقيس
وإتلني تل العسيف برسنها
قلت اذكري الله واستعيذي من ابليس
قالت خفوقك علّم اللي طعنها
كلمه ولو دوّرتها بالقواميس
حصلتها في شامها مع يمنها
النفس ارضٍ والمعزه تضاريس
والارض لولاها وش اقول كنها
وطويق لو هبت عليه النسانيس
يبقى لها سيدٍ ويامر وينها