بسم الله ابدى واتعوذ من ابليس=واسرج مراكيب البكار الاصيله شاعر وفي راسي حبست الهواجيس=وقد لها بالحبس تسعين ليله والظاهر بتبقى براسي محابيس=لو ما تجيب النادره والجزيله بألبس المعنى على القاف تلبيس=مثل العقود إلي بنصدر الجميله حبري نثرته فوق بيض القراطيس =نوادرٍ من حر فكري نفيله بأصدق مشاعر صغتها والاحاسيس=تحمل بمداها تحيه جليله أشمل بها الأشراف من دون تقويس=على قبايلهم قبيله قبيله بأعداد ماهبت هبوب النسانيس=واعداد ماهلت مزون المخيله سلام من شاطئ البحر لا جبل قيس=من لكم ياكاسبين الجميله حنا بني الأشراف سد ومتاريس=وقت الشدايد نرتكي لثقيله عدونا منا تجيه الكوابيس=وفي الوغى حنا السيوف الصقيله تاريخنا منقوش فوق التضاريس=من قبل مايعشق كليب الجليله حنا رجال العلم إلا قواميس=والكل يعرف اصلنا والفصيله بالعلم حنا نرتقي كالقرانيس=على الصعاب ونوصل المستحيله العلم لأهل العلم نور وفوانيس=على ظلام الجهل يضوي فتيله ألي بليا علم قومٍ مفاليس=لومالهم واجد بيبقى وسيله راعي العلم ماهو بخلف الكواليس=له منزلٍ شامخ براس الطويله إذا دخل مجلس يوقف مجاليس =امثال بن خيرات فخر القبيله شيخٍ تأسس بالعَلم خير تأسيس=شيخٍ فرق وامتاز عن كل جيله هذا الشريف الي كسب لنواميس=ابو محمد واجب إنا نجيله جاب المناصب بعد جهدٍ وتدريس=وسيرة بالعلم ماهي قليله افراحنا لجله تفوق المقاييس=غالي وفوق الراس مثله نشيله اقولها من دون شكٍ وتدليس=يحفظ ربٍ كلنا نشتكي له من الحسد واهل الفتن والجواسيس=ويجنبك كيد النفوس العليله وانا على شأنك بافك المحابيس=لن الفضل محفوض لأهل الفضيله شاعر اجبس كسر الابيات تجبيس=لين الشعر يرقى ويوصل هديله القيت بتاريح _ 21/04/2019_ _
