دنيا العنا

وأنا أشوف الصبح ليل بسواده
الهم يكويني بداخل عروقي
وأنا أصيح الجرح واطفي وقاده
أعيش وحدي وسط همي غروقي
والناس حولي عايشه بالسعاده
الناس حولي بالوناسه تروقي
وقلبي تحطم ما حصل له مراده
أكتم بقايا حسرتي في خفوقي
والجفن ساهر ماهنا له رقاده
يا لعين لا يغرك شعاع البروقي
الله فرق بين القلوب بعباده
بعض البشر طبعه عنيد وعقوقي
وبعض البشر يفتح لقلبك فؤاده
وبعض البشر طبعه حبيب وخلوقي
يبعدك عن هم الغثا والبلاده
الله يا دنيا العنا غاب شوقي
وشلون أبهنى والهموم بزياده
الشمس غابت بعد يومٍ شروقي
وأنا أشوف الليل نار برماده
تباشير