الليل يستبشر قدوم الصباح

رعده يصيح وبارقه ما استراحي
فزت على شوفه عطاشى صحاريه
وصم الصفا اللي من عنا الوقت طاحي
كل بدت تحيا بشوفه امانيه
والليل يستبشر قدوم الصباحي
حتى معاويد السواني تناجيه
شامت لبراقه رقاب الطياحي
أرخى هماليله وزاد الرجا فيه
وكل تعشم فالشراب القراحي
وقدام لا يمطر ويسقي ظواميه
هب الهبوب وفرقته الرياحي
الله أكبر ضيع الحلم راجيه
ودر الغمام اللي على الخد ساحي
وكل رجع في همه اللي يعانيه
وكسر الجناح ولا بقالو جناحي
أخيرهم من كل حزنه بخافيه
هذا يصيح وذاك زاد النواحي
واللي نظر في حال غيره يعزيه
الحلم ضاع وزودن الجراحي
كل بكى لحظة فراقه لغاليه
يكود أنا ما دمع عيني سلاحي
أصبر وانا قلبي به النار تكويه
واخطي عليه ولا طلبت السماحي
مانيب من يطرد سراب ويرجيه
أموت واحيا ما رجيت الضحاحي
قلبي رماح الود ما هيب تخطيه
ويا حبني لطعون هاك الرماحي
رجاي باللي ما بعد خاب راجيه
مده ولا مد اليدين الشحاحي
سالم الرويس
مملكة البحرين