شوفوا الطائي

عاش الأشهب صار من ضمن الكبار
شوفوا الطائي مثل غيره كبير
فارسٍ ما يشق للفارس غبار
معطيٍ خصمه من الحسرة كثير
من شعار الجود امتد الشعار
حاتم الخيرات بالوقت العسير
خل في بالك وخذ بالاعتبار
للعروس أصبحت يا نعم السفير
قايدين الوجه في كل الديار
رافعين الرأس بالعزم الكبير
لاختلط لون الرمادي بالخضار
وقاموا الجمهور فوقه له هدير
وزين لا راوغ بخصمه واستدار
وانفرد نمرٍ على المرمى خطير
طائي الأمجاد حنا بانتظار
البطولة وانت في جلبه جدير
ليش لا .. وانته بعصر الازدهار
وداركم حائل وسعود الأمير
حبهم كالشمس في وضح النهار
بان لو هو خافيٍ وسط الضمير
هذا ما أبديت جبته باختصار
ومخفيٍ عندي لكم شيٍ كثير
اقبلوها واقبلوا معها اعتذار
ختامها صلوا على الهادي البشير