مناجاة وابتهال

ياالله يا قابل صلاة المصلين
تغفر خطايانا وتقبل دعانا
يا واحدٍ تقلب بيدك الموازين
لا قلت لا مرٍ كن على طول كانا
انك تبدل حالة العسر باللين
وبعفوك ورحمتك تمطر سمانا
تغفر ذنوب اللي ذنوبه ملايين
بأعمالنا تعلم وتعلم خفانا
النفس طعناها على الزين والشين
وإبليس غوانا وطعنا هوانا
حنا تحملنا الخطايا ومخطين
وانته تحملنا وتدمح خطانا
يارب وقفنا لطاعتك والدين
لولا هدايتك أنت ما احدٍ هدانا
والعمر قفا بين بكره وبعدين
وش عاد باقي ياالله المستعانا