ضحكة غلا

جيت يمّك ضايق بصدري الحنين
وكنت أشوفك للسعة ضحكة غلا
وأتعجب كيف باللهفة تجين
وإن رجعتي قالت عيونك هلا
ساد صمتك في حضور الغافلين
وباح سدك في متاهات الفلا
قلت أحبك ما أظنك تسمعين
وأثر نظراتك تبادلني الولا
خايفة عن ليل بدرك تبعدين
وانتي أدرى بي على كل الملا
كل ما بيني وبينك خطوتين
وافترقنا بعد ما البعد انجلى
توعديني لين صرتي تحلفين
وصرت أقول المسألة صارت حلا
والحلا إنتي وإنتي تعرفين
وش عذاب اللي بحبك مبتلى
أرجع بقلبن من اللوعة حزين
وينتحر مليون إيه بأمر (لا)
انتظر ما دام هذا اللي تبين
والخفوق اللي يحبك ما سلا
المشاعر تصرخ بصمت الأنين
والصبر فاضت بحوره وامتلا
أدري إنك بالهوى ما ترحمين
ورغم صدك ارجع بضحكة غلا