لا سلام ولا وصال

اكتب الأشعار وانشد واتسلى
من جروح بالحشا تصلى بصالي
انتشر حزني بقلبي ثم تدلى
للقلم يرسم هجوسي وانشغالي
من تعلا بالكبر قلبه يعلا
باحتقار الناس لو كانوا عوالي
شفت بعض الناس بالعشره تسلى
ثم يقطع لا سلام ولا وصالي
ذقت كاس الهجر مر ما يحلى
وأنشد الأيام عن ربعي واسالي
من تغلى يا عرب لازم يخلى
شين طردة من يقفي ما يبالي
ما أذل النفس لا حاشا وكلا
لو يكون اللي هجرني حيل غالي
كم سهرت الليل قلبي مستعلا
أي جرح بالكرامه ما يشالي
بس لي صبر جميل ما يكلا
مستعين بخالقي هو خير والي