قصر وصروح

أسعد الله وجهك اليوم يا الوجه الصبوح
لا تزعلني ترى باقي بقلبي ولا
بعد ما حطيت لك في الحشا قصر وصروح
وبعد ما عرفت مقدار حبك والغلا
جيت تطلب مني البعد يا القلب النزوح
لين ضاق بي الفضاء وضاقت حدود الفلا
لي معك غايات واحساس وآمال وطموح
وكل نبضٍ في خفوقي يرحب يا هلا
الهوى في القلب ما خالطه كذب ومزوح
لو سلى قلبك من الحب قلبي ما سلى
وكان قلبك بالمشاعر غدا نبضه شحوح
يرحم الله خافق بالمشاعر ما خلا
قلبي اللي دايم يمك احساسه يفوح
كل ما نسنس من الغرب نسناس اعتلا
ليلة البارح سهرت وعليك انوح نوح
وخيمت الأحزان والقلب بالضيق امتلا
بين ضيم الذكريات وتناهيت الجروح
وبين غيب الأمنيات وتملاق الملا
ما اختلف عقد الأحاسيس في القلب النصوح
كن (قلبي والوفاء)لأجل الاحباب (عملا)
يا عسى تطيب الايام والبارق يلوح
وتلتقي الاحباب وإلا ما في الدنيا حلا