وش فيك

قالوا: بعيدٍ عن (مدارات) وش فيك
لا نثر تكتب.. لا قصايد جديده
من عقب ما كنّا نداعب معانيك
ولك بالنثر مساهماتٍ عديده
عطنا الجواب الواضح الله يعافيك
نقرا تفاصيله بوسط الجريده
غالي ولك ناسٍ تتابع وتغليك
ومشاركاتك بالصحافة مفيده
قالت: ابشروا.. والقلب ما فيه تشكيك
لكن ظروف الوقت دايم عنيده
مرّت بنا الايام تجري.. دواليك!!
ما من جديد ولا قديم نعيده
نبغى نحاول في حرافه وتكتيك
نبني بيوتٍ بالمعاني جويده
غالين والمطلب رخيص.. ومماليك
لقلبٍ لك حط المحبة رصيده
والله يوفقني بكل المساليك
من شان نرضي كل ذوق ونزيده